വേനലവധി....
കൈവിട്ട ബാല്യം...
അന്നൊക്കെ സ്കൂള് പരീക്ഷ കഴിയാന് കാത്തിരിക്കും...പരീക്ഷക്ക് മാസങ്ങള് മുമ്പ് തന്നെ മനസ്സിനെ പാകപ്പെടുത്തിരിക്കും...പരീക്ഷ എഴുതുവാനുള്ള ത്വര അല്ല...അത് അവസാനിക്കുന്നതോടെ അവധിക്കാലം തുടങ്ങുകയാണല്ലൊ എന്ന ചിന്തയാണു അതിനു പിന്നില്..
കശുവണ്ടി പറക്കാന് പോക്കും കശുമാങ്ങയെ യാതൊരു ദാക്ഷ്യണ്യവും ഇല്ലാതെ വായ്ക്കകത്താക്കി കടിക്കുമ്പോള് പുറത്തേക്ക് ചീറ്റുന്ന കശുമാങ്ങ നീരും , പച്ച കശുവണ്ടി കത്തിയാല് പോളിച്ചെടുത്ത് സാപ്പിടുന്നതും...വൈകുന്നേരങ്ങളില് വീട്ടില് കയറിവരുമ്പോഴേക്കും മുഖത്ത് ചെറിയ പോളം പൊന്തിയിട്ടുണ്ടാകും ....പച്ച കശുവണ്ടിയുടെ ചുണ മുഖത്ത് തെറിച്ച് തീപ്പൊള്ളിയ പോലുള്ള പോളങ്ങള്...
ഉമ്മച്ചിയുടെ വീട്ടില് വിരുന്നിനു പോവുക....അവിടെ കശുമാവിന് തോപ്പുകള്ക്കിടയില് മുളച്ച് നില്ക്കുന്ന തൊണ്ടിപ്പഴചെടിയില് മൂത്ത് കായ്ച്ചുനില്ക്കുന്ന തൊണ്ടിപ്പഴം പറിച്ച് തിന്നുക...അവിടവിടെയായി മുളച്ച് നില്ക്കുന്ന കൈതയില് നിന്നും മൂക്കാത്ത കൈതചക്ക അടര്ത്തിയെടുത്ത് ധാമദൂമം തിന്നുക...ഇപ്പോള് ഓര്ക്കുമ്പോള് എന്താ ഒരു രസം...
മൂക്കാത്ത കൈതച്ചക്ക തിന്നുകഴിഞ്ഞാല് പിന്നെ മണിക്കൂറുകളോളം വായചൊറിയും അതും അക്കാലത്ത് ഒരു ത്രില്ലായിരുന്നു....
മാവില് നിന്നും പച്ചമാങ്ങ കല്ലെടുത്ത് എറിഞ്ഞ് താഴേയിട്ട് ...വലിയ കല്ലിലിടിച്ച് പൊളിച്ച് ഉപ്പും കൂട്ടി തിന്നുന്ന ഒരു രസം ഓര്മ്മയില് ഇന്നും നിലനില്ക്കുന്നു...പച്ചമാങ്ങ വീട്ടില് ഉണ്ടെങ്കില് കൂടിയും വീട്ടുകാരറിയാതെ കല്ലെടുത്തെറിഞ്ഞിട്ട് തിന്നുന്നതിലാണ് അന്ന് ആനന്ദം കണ്ടെത്തിയിരുന്നുത്..
വൈകുന്നേരങ്ങളില് ഉണങ്ങിവരങ്ങപാടങ്ങളില് കൂട്ടുകാരുമൊത്ത് ചാടിമറിഞ്ഞുള്ള കളികളും...അതും പലതരം കളികള് ഇന്ന് കളിക്കുന്ന കളികള് ആവില്ല നാളെ കളിക്കുന്നത്...പോയ്മറഞ്ഞ കാലം ഒരിക്കലും തിരിച്ച് കിട്ടില്ലെങ്കിലും...ഇന്നതോര്ക്കുമ്പോള് അന്നത്തേക്കാളും രസം തോന്നുന്നു...
കമ്പ്യൂട്ടര് ഗെയിമുകളില് ശരണം പ്രാപിക്കുന്ന ഇന്നത്തെ കുട്ടികളെ കാണുമ്പോള് സഹതപിക്കാനേ തോന്നുന്നുള്ളു...
No comments:
Post a Comment