കോളേജ് ഡേ നടക്കുന്നസമയം
സംഭവം നടക്കുന്നത് അങ്ങ് ജാമ്പോവാന്റെ കാലത്തൊന്നും അല്ല...
ഈയുള്ളവന് പ്രീ ഡിഗ്രിക്ക് പഠിക്കുന്ന സമയം....
സോറി പഠിക്കുന്നത് എന്ന് പറയേണ്ട...പോകുന്ന സമയം എന്നാക്കാം...പഠിക്കുന്നു എന്ന് പറഞ്ഞാല് യഥാര്ത്ഥത്തില് പഠിക്കുന്നവര്ക്ക് ബുദ്ധിമുട്ടായി തോന്നും
രണ്ട് ദിവസത്തെ പരിപാടിയായിരുന്നു...
ആദ്യദിവസം എന്റെ മോണോ ആക്ടും മിമിക്രിയും ഉണ്ടായിരുന്നു.....
മോണോ ആക്റ്റില് സെക്കന്റും മിമിക്രിയില് അന്നെനിക്ക ഫസ്റ്റും ആണു കിട്ടിയത്....
സ്വകാര്യം....മിമിക്രിക്ക് ഞാന് മാത്രം ഉണ്ടായിരുന്നുള്ളൂ.....
അതു പോട്ടെ കഥ ഇതൊന്നുമല്ല ....രണ്ടാം ദിവസം നാടകം , കവിത.., സൌന്ദര്യമത്സരം എന്നിങ്ങനെയുള്ള പരിപാടികള് ആണ്....
ഞങ്ങള് സെക്കന്റിയര് വിദ്യാര്ത്ഥികള് ...പുത്തന് ചിറയില് നിന്നും വരുന്ന ശിവപ്രകാശന്, കൊടകരയിലുള്ള ശുക്കൂര്,പൊയ്യ പൂപ്പത്തിയില് നിന്നും വരുന്ന സന്തോഷ്,പിന്നെ ഞാന് , വേറേയും രണ്ടുമൂന്നാളുകള് ഉണ്ട് പേരു ഓര്മ്മയില് നില്ക്കുന്നില്ല....
“ഓപ്പറേഷന് ഡേമോക്രസി“ ഇതാണു നാടകത്തിന്റെ പേര്....
മരണശേഷം അങ്ങ് പരലോകത്തില് ആത്മാക്കളുടേ സംഗമം ആണു കഥയിലെ ഉള്ളടക്കം...
അവിടെ ഗാന്ധിജി,നെഹ്രു,ഒരു ഇംഗ്ലീഷുകാരന്,ഒരു നമ്പൂതിരി,പിന്നെ യമധര്മ്മന്,പിന്നെ ആരൊക്കെയോ ഉണ്ട്....
രംഗം പരലോകം ആണ്...അവിടെക്ക് ഒരു പുതിയതായി മരിച്ച ഒരു വ്യക്തിയെ കൊണ്ടുവരുന്ന ഒരു രംഗത്താണു എനിക്ക് സീനുള്ളത്...
ഏകദേശം ഒരു മാസം മുന്നേ റിവേഴ്സല് തുടങ്ങി ശിവപ്രകാശന് നമ്പൂതിരിയായിട്ടാണു അഭിനയിക്കുന്നത്,ശുക്കൂര് ഗാന്ധിജിയും...
ഗാന്ധിജിക്ക് ഇത്രയും കറുപ്പ് ഉണ്ടായിരുന്നോന്ന് എനിക്ക് ഇപ്പോഴും സംശയം ആണ്...
അത്രക്കും കറുത്തവനാണു ഷുക്കൂര്...അവനൊ ഗാന്ധിജിയും..ഇംഗ്ലീഷുകാരനും മോശമല്ല....അമേരിക്കക്കാരനു വെടിക്കെട്ടുകാരന്റെ മകളില് ജന്മം കൊണ്ടത് പോലെയുള്ള ഒരു ഇംഗ്ലീഷുകാരന്....
റിവേഴസല് ഒക്കെ ഗംഭീരമായി നടന്നു എനിക്ക് ഡയലോഗ്ഗ് ഒന്നും ഇല്ല ..ഞാന് ശവം ആണ്. നാടകം തുടങ്ങി ഏകദേശം മൂന്ന് മിനിറ്റു കഴിഞ്ഞാല് യമന് എന്നെ പൊക്കി എടുത്ത് കൊണ്ട് വന്ന് സ്റ്റേജില് ഇടുന്നത് മുതല് ഞാന് ശവമായി അവിടെ കിടക്കണം ...
സ്റ്റേജില് എന്നെ കൊണ്ടുവന്നിടാനുള്ള സ്ഥലത്ത് ഒരു ചെറിയ പഞ്ഞിമെത്ത റെഡിയാക്കി വച്ചിരുന്നു...ശവം കൊണ്ടുവന്ന് സ്റ്റേജില് എറിഞ്ഞിടണം...
നാടകം തട്ടേല് കയറാനുള്ള സമയം ആയി..... കര്ട്ടന് പൊന്തി ,നാടകം തുടങ്ങി രംഗം കൊഴുക്കുകയാണു...
“എവിടെ യമന്...?
ആ ഏഭ്യന് താഴെഭൂമിയില് നിന്നും ഒരു ആത്മാവിനെ കൊണ്ട്വരാന് പോയിരിക്ക്ണു”
അപ്പോള് ഷുക്കുര് എന്ന കാലന് എന്നെ പൊക്കിയെടുത്ത് സ്റ്റേജില് കോണ്ട്വന്നു...ഒരു ഗാന്ധിസ്റ്റായിലില് ഉള്ള ഒരു കോണകം ആണു എന്റെ വേഷം,
കാലന് എന്നെ കൊണ്ടുവന്ന് താഴേ വിരിച്ചിട്ടിരിക്കുന്ന കിടക്കയിലേക്ക് ഒറ്റ ഏറ്....ഉമ്മാ...എന്നൊരുവിളി ആ ശവത്തില് നിന്നും ഉത്ഭവിച്ച് മൈക്കിലൂടെ പുറത്തേക്ക് പോയി...
കോളേജ് പരിസരം ആകെ ചിരിയുടെ ബഹളം എന്റെ മോണോ ആക്ടിനു പോലും ഇത്രയും ചിരി ഞാന് കേട്ടില്ല....നാടകം തീരുന്നത് വരേയും ഞാന് കണ്ണുമടച്ചോണ്ട് അവിടെ തന്നെ കിടന്നു....
മുന്നില് വച്ചിരുന്ന ആമ്പ്ലിഫയറില് നിന്നും ഒരു പൊട്ടലും കേട്ടു അപ്പോള് തന്നെ കറണ്ടുമ്പോയി.......
സത്യത്തില് നടന്നത് എന്തെന്നോ...കാലന് എന്നെ എറിയുമ്പോള് ഞാന് കാലന്റെ കയ്യില് നിന്നും പിടിവിട്ടുപോയി കിടക്കയില് വീണില്ല...പകരം കിടക്കക്ക് പുറത്തുള്ള പലകയില് ആയിരുന്നു...അതില് ഒരു ആണി പൊന്തിനില്ക്കുന്നുണ്ടായിരുന്നു...
അത് ചന്തിക്ക് കൊണ്ടപ്പോഴാണു ഞാന് ഉമ്മാനെ വിളിച്ചത്....കൂടാതെ അറിയാതെ മൂത്രവിസര്ജനവും നടന്നു...അതാണു ആമ്പ്ലിഫയര് പൊട്ടിത്തെറിക്കാന് കാരണമായത്.........
No comments:
Post a Comment