ചില നേരമ്പോക്കുകള്‍ ...173

നി ഇങ്ങനെ നടന്നാല്‍ നിനക്ക് അള്ളാനെ [ ദൈവത്തിനെ]  കാണാന്‍ കഴിയില്ല. പള്ളിയില്‍ അന്നുണ്ടായിരുന്ന ഒരു തങ്ങള്‍ ആണു ഇത് പറഞ്ഞത്. ഒരിക്കള്‍ ഈ പറഞ്ഞ തങ്ങള്‍ എന്‍റെ ജേഷ്ടനോട് ..
നാസിമേ നീ അള്ളാനെ കണ്ടിട്ടുണ്ടോ ..?
നാസിം പറഞ്ഞു ഇല്ല ഉസ്താദേ..
നിനക്ക് കാണണോ...?
കാണണം...
തങ്ങള്‍ കയ്യിലുള്ള മോതിരം ഊരിയിട്ട് പറഞ്ഞൂ ഇതാ ഇതിനുള്ളിലൂടെ നോക്കൂ അള്ളാനെ കാണാം..
കേട്ടാപാതി കേള്‍ക്കാത്തപാതി ജേഷ്ടന്‍ ഒരു കൈകൊണ്ട് ഒരു കണ്ണ് അട്ച്ച് പിടിച്ച് മോതിരത്തിന്‍റെ ഉള്ളിലൂടെ പുറത്തേക്ക് നോക്കി ...ഇല്ല ഉസ്താദേ ആരേം കാണുന്നില്ല എന്ന് മറുപടി പറഞ്ഞു..

എന്നാല്‍ 25 പൈസ ടേബിളില്‍ വക്കു എന്നാല്‍ കാണാം...അങ്ങനെ ജേഷ്ഠന്‍ ഉടുത്തിരിക്കുന്ന വെള്ളതുണി പൊക്കി അടിയിലുള്ള വള്ളിട്രൌസറിന്‍റെ കീശയില്‍ നിന്നും 25 പൈസ എടുത്ത് തങ്ങളുടെ മേശപ്പുറത്ത് വച്ചു..
വീണ്ടും മോതിരത്തിലൂടെ നോക്കി . ഫലം തഥൈവ: മോതിരത്തിന്‍റെ ഓട്ടയിലൂടെ നോക്കിയാല്‍ പള്ളിക്കാട് മാത്രമേ കാണുന്നുള്ളു.

തങ്ങള്‍ ആരാ മോന്‍ ഓരോ പ്രാവശ്യം ഓരോ കാരണങ്ങള്‍ പറഞ്ഞ് ഇക്കാടെ കയ്യിലുണ്ടായിരുന്ന 3.25 ക തട്ടിയെടുത്തു [ മൂന്ന് രൂപ ഇരുപത്തഞ്ച്പൈസ] .
ഇനിയും പൈസ പോകുമെന്നായപ്പോള്‍ ഇക്ക പറഞ്ഞു  ‘ ഉവ്വ മോതിരത്തിന്‍റെ ഓട്ടയിലൂടേ ഇപ്രാവശ്യം അള്ളാനെ കാണുന്നുണ്ട്.
അള്ളാനെ പോയിട്ട് ഇബ്ലീസിനെ പോലും അതിലൂടെ കാണാന്‍ കഴിയില്ലാന്ന് തങ്ങള്‍ക്ക് അറിയാമെങ്കിലും ഇക്കാടെ സംസാരത്തില്‍ ഇത്തവണ ഞെട്ടിയത് തങ്ങളായിരുന്നു.
കാണുന്നുണ്ട് അല്ലെ ..?
ഉവ്വ കാണുന്നുണ്ട് ..
എന്താ അടയാളം ..?
കള്ളിമുണ്ട് ചുമന്ന ഷര്‍ട്ട് കയ്യില്‍ ഒരു സ്റ്റീല്‍ പാത്രം...

ങ്ങേ...മോതിരവും കയ്യും മാറ്റി നേരെ നോക്കിയപ്പോള്‍ തങ്ങള്‍ക്ക് കഞ്ഞി വാങ്ങിവന്ന മമ്മുണ്ണീക്ക ദാണ്ടെ കയ്യില്‍ സ്റ്റീലിന്‍റെ അടുക്ക് പാത്രവും പിടിച്ച് ചുവന്നഷര്‍ട്ടും പച്ച കള്ളിമുണ്ടും ഉടുത്ത് മുന്നില്‍ നില്‍ക്കുന്നു....