ഞാന് അന്ന് നാലിലോ അഞ്ചിലോ പഠിക്കുന്നു.....
അന്ന് പെരുന്നാളിന് അറുക്കാനാ ഒരു പൂവന് കോഴിയെ വാങ്ങിയത്..പെരുന്നാളിനാണേല് ഇനിയും ഒന്നര ആഴ്ച ബക്കിയുമുണ്ട്...ഒരു മൊയ്ല്യാരും ഒരാഴ്ച മുന്നേ നിലാവ് കാണാന് തയ്യാറല്ല...പട്ടാപകല് നിലാവ് കാണാന് ഞാന് എന്നും മേലോട്ട് നോക്കി നില്ക്കും...
വീട്ടിലാണെല് കോഴിയെ അടച്ചിടാന് കോഴിക്കൂടും ഇല്ല. നീളത്തില് ഒരു ഇഴക്കയറില് ഒരു കാലില് കെട്ടിയിട്ടാണു വളര്ത്തുന്നത്..അടുത്ത വീടുകളിലെ പിടക്കോഴികള് നമ്മുടെ കോഴിയെ ലൈനടിക്കാന് വേലിക്കല് നിന്ന് ഒരു പ്രത്യേക ശബ്ദം പുറപ്പെടുവിക്കും.....വലത് വശത്തെ ചിറക് ഒന്ന് താഴേക്ക് വിടര്ത്തി ഒന്ന് വട്ടം കറങ്ങാം എന്നല്ലാതെ...ഈ പൂവന് തന്റെ പുരുഷ്വത്വം ആര്ക്കും അടിയറവ് പറഞ്ഞില്ല..
പൂവന് കോഴിയുടെ നില്പ്പും ഭാവവും അയല്പക്കത്തെ പെണ്ണുങ്ങളിലും അസൂയ ഉളവാക്കി..
തെറ്റിദ്ധരിക്കേണ്ട ട്ടോ...ഈ അസൂയ ഈ കോഴിയെ ഞങ്ങള് പെരുന്നാളിനു കറിവച്ച് തിന്നും എന്നുള്ളതിനാലാണ്...
അല്ലാതെ..നമ്മുടെ പൂവനെ പ്രണയിച്ച് മുട്ടയിട്ട് കളിക്കാനല്ല...ട്ടോ...
അങ്ങനെ ആ സുദിനം വന്നു...കോയിക്കോട്ടങ്ങാടീല് ആരോ നിലാവ് കണ്ടു...വീട്ടിലുള്ള ഞങ്ങള് രണ്ട് കയ്യും മേലോട്ട് ഉയര്ത്തി അള്ളാഹുവിനു സ്തുതി പാടി...നിലാവ് കണ്ട ആള്ക്കും...
നിലാവ് കണ്ട് ആളും കോഴിയേ വാങ്ങിയിരുന്നോ എന്നു സംശയിക്കുന്നതായിരുന്നു...കാരണം ഒരു ദിവസം നേരത്തെ നിലാവ് കണ്ടു....
രാവിലെ തന്നെ പള്ളിയില് പോയി വന്നു കോഴിയെ പിടിക്കാന് ചെല്ലുമ്പോള് ..കോഴിയെ കെട്ടിയിടത്ത് ഇഴക്കയര് മാത്രം ഉള്ളു...പുല്ല് തിന്നാന് കെട്ടിയിടത്ത് നിന്നും പശു അഴിഞ്ഞ് പോയത് പോലെ കോഴി അപ്രത്യക്ഷമായിരിക്കുന്നു..
“ബ ബ ബ ബ ബ ബ...“.....കോഴിയെ വിളിച്ചതല്ല...കോഴിയഴിഞ്ഞ് പോയതിനു ബാപ്പിച്ചി തല്ലും എന്ന് കരുതി വിക്കിയതാ....
പെട്ടെന്ന് തലയില് ബള്ബ് തെളിഞ്ഞു [ ബുദ്ധി ] നെല്ല് പുഴുങ്ങുന്ന വലിയ വട്ടചെമ്പ് ചെരിച്ച് വച്ച് ഒരു ശീമ കൊന്നയുടെ വടി ചെരിച്ച് വച്ച് ഒരു കെണിയുണ്ടാക്കി ...വടിയില് നിന്ന് ഒരു വള്ളി പുറത്തേക്ക് നീട്ടി വച്ചു.എന്നിട്ട് ചെമ്പിനടിയില് അല്പ്പം നെല്ല് ഇട്ട് കാത്തിരുന്നു...കോഴി നെല്ല് തിന്നാന് വന്നാല് വള്ളി വലിക്കുക...കോഴി ചെമ്പിനടിയില് പെടും തീര്ച്ച....
ഞങ്ങള് വീട്ടിലുള്ള അഞ്ചുമക്കളും കോഴിയെ ബ ബ ബ പറഞ്ഞ് വിളിച്ച് ...പിന്നാലെ കൂടി ...സാവധാനം ഉള്ള ബ ബ ബ വിളി ഉച്ചത്തിലായി നടത്തം ഓട്ടം ആയി പിടിതരില്ല എന്ന ചിന്തയില് കോഴിയും ...നിന്നെ ഇന്ന് ശരിയാക്കും എന്ന ചിന്തയില് ഞങ്ങളും ...
അവസാനം കോഴി അടിയറവ് പറഞ്ഞു നേരെ വട്ടചെമ്പിനുള്ളില് കയറി...ചാരിവച്ചിരുന്ന വടി ഓട്ടോമാറ്റിക്കായി തെറിച്ച് മുന്നോട്ട് പായുന്നത് ഒരു നോട്ടത്തില് ഞാന് കണ്ടു...അപ്പോഴേക്കും എന്റെ കണ്ണില് ഇരുട്ട് കയറി......
മൂത്ത ഇക്ക പതുക്കെ ചെമ്പ് പൊക്കി കയ്യ് ഉള്ളിലിട്ട് കോഴിയെ പിടിച്ചു...അറുത്ത് റെഡിയാക്കിയപ്പോള്...അതാ വട്ടചെമ്പിന്റെ ഉള്ളില് നിന്നും ഒരു അനക്കം...
“ ഇനിയും കോഴിയോ ...എന്തോന്നറിയാന് പതുക്കെ വട്ടചെമ്പ് പൊക്കിനോക്കിയപ്പോള് അവിടെ അതാ ഒരു പരിചയക്കാരന് കിടക്കുന്നു..മറ്റാരുമല്ല ഞാന് തന്നെ...
“കണ്ണില് ഇരുട്ട് കയറിയത് വട്ടചെമ്പിനടിയില് ആയപ്പോഴാ”
No comments:
Post a Comment