ഹസ്തങ്ങള് പതുക്കെ നീണ്ടു..വള്ളിപോലെയുള്ള ആ വസ്തുവിന്റെ അഗ്ര ഭാഗത്ത് കാണുന്ന ആ മൂന്ന് കാലുള്ള സാധനത്തിനെ പതുക്കെ പൊക്കിയെടുത്തു.....അപ്പോള് എന്റെ മുഖത്തുണ്ടായിരുന്ന മൃഗീയ ഭാവം ഒന്നൂടെ സടകുടഞ്ഞു പുറത്ത് വന്നു..
മുകളില് കണ്ട ആ മൂന്ന് ദ്വാരത്തിലേക്ക് ഞാന് ആ മൂന്ന് കാലുകള് തിരുകി കയറ്റി. വിജയശ്രീലാളിതനായി ഞാന് മക്കള്ടെ മുഖത്തേക്ക് ഒന്ന് തിരിഞ്ഞു നോക്കി...അപ്പോള് ഇളയവന് സിയാദിന്റെ ഒരു ചോദ്യം..
“ അയേണ് ബോക്സിന്റെ പ്ലഗ്ഗ് കുത്താനാണോ ബാപ്പിച്ചി ഈ പെടപാടൊക്കെ കാണിച്ചത്”...?
പറഞ്ഞത് പൊലെ ശരിയാണല്ലോ എന്ന് അപ്പോഴാ ആലോചിച്ചത്...പിള്ളേരുടെ യൂണിഫോം എല്ലാം ഇസ്തിരി ഇട്ടു കഴിഞ്ഞപ്പോഴാ ഇസ്തിരിപ്പെട്ടിയിലെ വെള്ളം മുഴുവനും തീര്ന്നതായി കണ്ടത്...
എടാ സൈദേ ആ സ്റ്റീല് ഗ്ലാസ്സില് കുറച്ച് വെള്ളം കൊണ്ട് വന്നേടാ...മക്കളില് ആദിപത്യം സ്താപിക്കാനായി എന്റെ വായ് പള്ളിമൈക്ക് പോലെ അലറി..
സൈദ് കൊണ്ടുവന്ന വെള്ളം ഇസ്തിരിപ്പെട്ടിയിലൊഴിച്ച് സ്വിച്ച് ഓണ് ചെയ്തു...സമയം കുറേ എടുത്തിട്ടും ഇസ്തിരിപെട്ടി ചൂടാവുന്നില്ല...ഇതെന്ത് പണ്ടാറം ആണെന്നറിയാതെ ഒന്ന് കുഴങ്ങിയപ്പോള് അകത്ത് നിന്നും ഒരു ശബ്ദം ...വാമഭാഗത്തിന്റെ ...എടാ സൈദേ നീ ബാപ്പിച്ചിക്ക് എന്ത് വെള്ളമാ കൊടുത്തത്...
“ഡൈനിങ്ങ് ടേബിളില് ഒരു ഗ്ലാസ്സില് പകുതി വെള്ളം ഉണ്ടായിരുന്നു അതാ കൊടുത്തത്”..
അള്ളോ അത് ബാപ്പിച്ച് പ്രഷറിന്റെ മരുന്നായിരുന്നു...അരഗ്ലാസ്സ് വെള്ളത്തില് പത്ത് തുള്ളി....
“ഞാന് സ്വയം പറഞ്ഞു...ന്റെ പടച്ചോനെ വെറുതെ അല്ല ഇസ്തിരിപ്പെട്ടി ചൂടാവാഞ്ഞത് അകത്ത് പ്രഷറിന്റെ മരുന്നല്ലെ “...
No comments:
Post a Comment